A Presidenta e a Xunta Directiva
da Asociación Soalleira de Dorrón


Ten o gusto de invitalos á “V Xornada da Cultura Tradicional Galega Soalleria de Dorrón”, que terá lugar o vindeiro domingo 25 de setembro, na Bouza de Dorrón, con arreglo ó seguinte programa:
De 10 a 13 h. Xogos Populares
Exposición “A máxica transformación da augardente”
18,30 h. V Festival Folclórico Soalleria de Dorrón con Pasarrúas e actuación de: Soalleira de Dorrón, Os Gatiños de Portonovo, Penaguda de Dena,Seixebra de Moraña e o Grupo de Gaitas Os do Barro.
20,00 h. Merenda popular e fin de festa.

MISA NA HONRA DE ROSALÍA DE CASTRO

Un ano máis, a Agrupación Soalleira participa na Ofrenda Floral que se celebra na Igrexa de San Domingos de Bonaval na honra de Rosalía de Castro.
Como novidade este ano participou tamén nesta Misa Amancio Prada, ao que tivemos o pracer de coñecer.

Excursión a Marcelle

EXCURSIÓN A MANZANEDA

Que ben o pasamos o domingo en Manzaneda!!! A pesar de que as previsións dalgúns meteorólogos predicían que non ía a haber neve, houbo neve........e moita, neve para xogar, neve para tirarse en trineo, neve para mollarse, incluso para esquiar se algún se atrevera.

Foi unha excursión moi divertida que organizou Asociación Soalleira, despois de varios anos sin ningunha, pero valeu a pena esperar. Agardamos que todos disfrutarades moito e sentímolo polos que non puideron vir, outra vez será.

Aqui recollemos unhas fotos do maravilloso día

DOMINGO 26 DE SETEMBRO

IV Xornada da Cultura Tradicional Galega Soalleira de Dorrón (Sanxenxo).

De 10:00 a 13:00 horas, xogos populares (chave, petanca, rá, aros, botellas, zancos, carreiras de sacos...)
Exposición " O proceso do viño", coidados, recolleita, elaboración, utensilios antigos cedidos polos veciños, cantares e refráns relacionados co tema.
Ás 18:00 horas, Festival Folclórico Soalleira de Dorrón con pasarrúas a cargo dos grupos participantes.
Ás 18:30 actuación dos seguintes grupos:
-Soalleira de Dorrón
-Danzantes de Cobas
-Agrupación Folclórica Pedra Catan de Meis
-Agrupación Folclórica Anxuiña de Marín
-Grupo de Gaitas os de Barro
Ás 20:30 horas merenda popular e fin de festa.

III XORNADA DA CULTURA TRADICIONAL GALEGA

Un ano máis celebramos esta xa tradicional Xornada no noso pobo, Dorrón. A partir das 10 da mañá tiveron cabida no campo da festa moitos xogos tradicionais (trompo, peletre, rá, chave, aros...) foi moi divertido, sobre todo á xente maior gustoulle recordar eses tempos pasados de xogos nos camiños, que xa é dificil ver nestes tempos. Os nenos tamén disfrutaron moito, como pequenos que son. Xa ao rematar a mañá os asistentes puideron degustar un pincho de empanada e un vaso de viño que a esas horas prestou, vaia se prestou...
Pola tarde celebramos o Festival Folclórico. Tivemos a sorte de contar con grupos da nosa comarca que nos deleitaron todos eles con actuacións estelares. Ao rematar a actuación recibiron un agasallo e como non unha merecida merenda.Dende aquí o noso agradecemento pola súa desinteresada participación no noso Festival aos Grupos "Os Gatiños de Portonovo", "Vides Novas de Poio", "Paradanda de O Grove" e "Os do Barro de Noalla"
Tamén tivo lugar ao longo do Festival o sorteo dunha chea de agasallos donados por diferentes establecementos do noso concello. O noso agradecemento tamén a eles.
Para finalizar a nosa III Xornada Cultural Folclórica todos, bailaríns, gaiteiros/as e público asistente puidemos disfrutar dunha merenda popular.
É un pracer poder cada ano darlle cabida no noso pobo a esta Xornada e gustaríanos que se siga celebrando por moitos anos.
Moitas gracias a todos os colaboradores, participantes e por suposto ao noso público.Un bico.